У МАРГ абяцалі, што мандарыны да калядных і навагодніх святаў не падаражэюць (і нават будуць «ненашмат» большыя цаной, чым летась). Мы параўналі цяперашнюю цану гэтага тавару і клементынаў з той, што была 27 лістапада (мы зафіксавалі цану менавіта на гэтую дату). Аказваецца, у некаторых выпадках адбылося падаражанне, а ў некаторых — патанненне.
Клементын — гібрыд мандарына і апельсіна-каралька.
Мандарыны — гэта сезонная садавіна, цана на якую можа вар’явацца ў залежнасці ад перыяду, а таксама краіны, адкуль іх вязуць. Больш за тое, знайсці прадукцыю, імпартаваную з адной і той жа краіны, даволі складана. Тым не менш мы змаглі параўнаць у «Е-дастаўцы» цэны на мандарыны, імпартаваныя з Ірана. Амаль за месяц яны патаннелі на 60 капеек. А з улікам зніжкі кошт выходзіць ніжэйшы на 1,9 рубля, чым 27 лістапада.
У астатнім асартымент гэтай святочнай садавіны адрозніваецца ад таго, якім ён быў у «Е-дастаўцы» месяц таму. Але калі ў канцы лістапада дыяпазон цэн складаў ад 7,39 (гэта са зніжкай) да 9,99 рубля за кілаграм, то цяпер — ад 6,99 да тых самых 9,99 рубля. Пры гэтым разнастайнасці стала больш.
У дастаўцы сеткі Green у лістападзе прапаноўвалі клементыны за 7,99 рубля за кілаграм. Цяпер выбар шырэйшы. Але цэны пачынаюцца ад 8,99 рубля (19,99 без зніжкі) і да 12,99 рубля.
Анлайн-крама «Гіпа» прапаноўвала грэцкія клементыны па 9,99 рубля за кілаграм. Цяпер у продажы ёсць гэты прадукт з Марока. Цана — 8,99 рубля.
У дастаўцы сеткі «Алмі» ў продажы ёсць іспанскія клементыны за 7,99 рубля. Менш чым месяц таму яны каштавалі на рубель больш.
За столькі ж сетка прапануе егіпецкія мандарыны. У канцы лістапада іх у продажы не было.
Чытайце таксама
